12.1.17
Rólegheit
Ég sit hérna í sófanum heima hjá mér. Með hvítvínsglas, bók, nóbelsverðlaunahafann á fóninum. Allt er nokkuð hreint. Allskonar auðir fletir á borðum. Öll börnin eru sofandi og klukkan er rétt níu. Og ég er sko búin að sitja svona í tæpan klukkutíma. Það voru allir sofnaðir klukkan sjö. Þetta er svo ótrúlega indælt að ég trúi því varla að þetta sé að gerast.
Edda og Sólveig eru reyndar svolítið lasnar, með hósta og hita. Fóru ekkert í skólann í gær sem þýðir að þetta er þriðji dagurinn sem við erum 4 að dúlla okkur. Í dag vorum við heima um morguninn og síðan drifum við okkur út, Ásta í kerrunni og stóru á þotu. Fórum í byggingavöruverslun og síðan á diner - Margie´s Candies. Fengum samlokur og banana split. Alveg stórkostlegt. Tók engar myndir af þeirri ferð svo ég set bara inn nokkrar myndir frá því í nóvember þegar við stoppuðum í smá klifursprell. Fyrsta myndin er sú eina sem náðist af öllum systrunum saman.
Edda og Sólveig eru reyndar svolítið lasnar, með hósta og hita. Fóru ekkert í skólann í gær sem þýðir að þetta er þriðji dagurinn sem við erum 4 að dúlla okkur. Í dag vorum við heima um morguninn og síðan drifum við okkur út, Ásta í kerrunni og stóru á þotu. Fórum í byggingavöruverslun og síðan á diner - Margie´s Candies. Fengum samlokur og banana split. Alveg stórkostlegt. Tók engar myndir af þeirri ferð svo ég set bara inn nokkrar myndir frá því í nóvember þegar við stoppuðum í smá klifursprell. Fyrsta myndin er sú eina sem náðist af öllum systrunum saman.
6.1.17
Halló 2017
Prímtöluár. Það verður eitthvað sérstakt.
Uppáhalds 2017 setningin mín er "Maður verður að gera það upp við sig hvernig lífi maður vill lifa". Uppáhalds frænka mín kenndi mér þessa setningu og ég elska hana. Þetta er svo rational setning og basic. Nær að kjarna sannleikans. Síðan er þetta tvíþætt. Fyrri þátturinn er að gera upp við sig. Spyrja sig: hvað er mikilvægt fyrir mig? Annar þátturinn er framkvæmd. Standa við það sem maður svarar.
Ég upplifi aukið frelsi bara við það að hugsa um þessa setningu. Maður er sinn eigin herra og ber sjálfur ábyrgð á sínum tilfinningum. Hvernig einhver annar hegðar sér kemur mér bara ekki við að því leyti að ég get ekki verið ábyrg fyrir því. Elska svona setningar sem maður getur gripið í. Þetta er svona geggjað gott hald í klifurbraut, svaka jákvætt, maður getur haldið í það með annari og dinglað á veggnum þangað til maður nær að krækja tánni eitthvert og híft sig upp.
Chris Gethard á svona setningu: Stundum setur þú mikilvægi atburða úr samhengi. Þegar sálfræðingurinn hans sagði honum að þetta væri satt fyrir hann þá small eitthvað saman. Svo getur hann notað þessa setningu í sínu daglega lífi. Hann missir krukku af teiknibólum sem dreifast útum allt. Um leið og hann fer að fríka út þá man hann að hann á það til að setja mikilvægi atburða úr samhengi og þá fattar hann að þessi atburður er ekki heimsendir. Terry Gross tók viðtal við hann sem er, eins og flest ef ekki öll hennar viðtöl, vel þess virði að hlusta á.
Fyrsta mál á dagskrá árið 2017 hjá mér er að taka sykurlausan mánuð. Desember var nokkuð mettaður sykurlega séð og ég er búin að vera með þetta á bakvið eyrað í lengri tíma en svo var það NYtimes pistlahöfundur sannfærði mig um að núna væri góður tími til að borða ekki sykur í mánuð. Það hefur alls ekki verið auðvelt. Og það varð úr að ég ákvað að hann yrði ekki 100% sykurlaus. Tveir bitar af mjög dökku súkkulaði eru leyfðir á dag og einstaka trönuber sem eru með smá sykri í. Helstu breytingar eru engar kökur og engin sulta. Í staðin meira snakk, popp og hnetusmjör.
Uppáhalds 2017 setningin mín er "Maður verður að gera það upp við sig hvernig lífi maður vill lifa". Uppáhalds frænka mín kenndi mér þessa setningu og ég elska hana. Þetta er svo rational setning og basic. Nær að kjarna sannleikans. Síðan er þetta tvíþætt. Fyrri þátturinn er að gera upp við sig. Spyrja sig: hvað er mikilvægt fyrir mig? Annar þátturinn er framkvæmd. Standa við það sem maður svarar.
Ég upplifi aukið frelsi bara við það að hugsa um þessa setningu. Maður er sinn eigin herra og ber sjálfur ábyrgð á sínum tilfinningum. Hvernig einhver annar hegðar sér kemur mér bara ekki við að því leyti að ég get ekki verið ábyrg fyrir því. Elska svona setningar sem maður getur gripið í. Þetta er svona geggjað gott hald í klifurbraut, svaka jákvætt, maður getur haldið í það með annari og dinglað á veggnum þangað til maður nær að krækja tánni eitthvert og híft sig upp.
Chris Gethard á svona setningu: Stundum setur þú mikilvægi atburða úr samhengi. Þegar sálfræðingurinn hans sagði honum að þetta væri satt fyrir hann þá small eitthvað saman. Svo getur hann notað þessa setningu í sínu daglega lífi. Hann missir krukku af teiknibólum sem dreifast útum allt. Um leið og hann fer að fríka út þá man hann að hann á það til að setja mikilvægi atburða úr samhengi og þá fattar hann að þessi atburður er ekki heimsendir. Terry Gross tók viðtal við hann sem er, eins og flest ef ekki öll hennar viðtöl, vel þess virði að hlusta á.
Fyrsta mál á dagskrá árið 2017 hjá mér er að taka sykurlausan mánuð. Desember var nokkuð mettaður sykurlega séð og ég er búin að vera með þetta á bakvið eyrað í lengri tíma en svo var það NYtimes pistlahöfundur sannfærði mig um að núna væri góður tími til að borða ekki sykur í mánuð. Það hefur alls ekki verið auðvelt. Og það varð úr að ég ákvað að hann yrði ekki 100% sykurlaus. Tveir bitar af mjög dökku súkkulaði eru leyfðir á dag og einstaka trönuber sem eru með smá sykri í. Helstu breytingar eru engar kökur og engin sulta. Í staðin meira snakk, popp og hnetusmjör.
