Húrra!!

Þetta er það sem prófessorar segja ef þeim líst vel á doktorsritgerðina manns. Það er ekkert smá erfitt að klára doktorsritgerð en þegar því er lokið þá finnst manni eins og það hafi ekki verið neitt svo mikið mál.

Mamma og Orri komu til að gera smá úttekt á þessari uppákomu og virtust nokkuð sátt. Ég hélt dúndur fyrirlestur og svaraði flestum spurningum úr salnum ljómandi vel. Síðan fóru allir nema nefndin og hún hélt áfram að spyrja mig aðeins þangað til þeir gáfust upp og sögðu "þetta er frábært. Til hamingju dr. Tinna. Það er einróma yay".

Fyrst var kampavín í deildinni, síðan á 96. hæð með útsýni yfir alla Chicago og stanslaust partí og fínheit síðan þá. Þetta var alveg súper. Bætti upp fyrir svefnleysi, stress og makaleysi undanfarin ár.