Húrra!!

Ég er heilluð af lífinu. Það er svo seigt. Maður fæðist og er krakki, síðan unglingur og ungfullorðingur. Síðan fer maður að eldast. Og ekki er það minna áhugavert. Það fyrsta sem ég tek eftir er að hendurnar mínar eru orðnar meira hrukkóttar. Það finnst mér ekki slæmt. Útreikningar mínir segja mér að í hverri hrukku sé eins og hálft gramm af visku.

Annars er allt í túrbó hjá mér þessa dagana. Aðal hafrannsóknaráðstefna Bandaríkjanna sem haldin er annað hvert ár byrjar núna á mánudaginn. Og ég verð með fyrirlestur og plaggat. Svaka spennandi. Plaggatið fjallar um gögn sem við söfnuðum síðasta sumar. Geggjað kúl gögn, enginn hefur áður gert þessar mælingar. Ný teoría að verða til. Ótrúlega spennandi. Fyrirlesturinn minn fjallar um agnir og hvað verður um þær í súrnandi sjó. Þetta verður svo skemmtilegt. Núna er bara að vona að keyrslurnar mínar sem eru í gangi heppnist vel.