Húrra!!

Kominn er júní og það er tími útskrifta. Eins og Orri minn og Mæsa. Þau brautskráðust í dag af hjúkrunarfræðideild og lögfræðideild. Ég er mjög stolt systir. Hefði viljað komast í veisluna en mér var ekki boðið. Já ég er ekkert sár.

Allavegana. Hérna í Chicago er júní mánuðurinn þar sem maður flytur. Sennilega því það eru kaflaskipti í lífi fólks. Ég er til dæmis að fara að flytja. Ég er að vona að nýji kaflinn í mínu lífi heitir "síðasti kafli doktorsnámsins". En áður en ég flyt verð ég þess aðnjótandi að eignast nýja nágranna. Nýja nágranna í tvær vikur. Takke gud sko lov. Ég skil ekki hvert málið er með þessa nágranna, þau spila græjurnar í botni. Ha? Allan daginn meira og minna. Og hvað eru þau að spila? Popp. Rokk. Dægurlaga splopp. Ég botna nú bara ekkert í þessu. Hvernig meika þau þetta?