Húrra!!

Maðurinn minn fékk honum alls að óvörum trommusett, gítar og hljóðnema í jólagjöf frá eiginkonu sinni. Ásamt tölvuspilinu gítar híró og var hann í hæstu skýjum ánægður. Ég var líka ánægð því mér þykir bara gaman að hamast á trommunum og skemmtum við okkur ágætlega yfir þessu. Við erum með band með þokkafullum og léttklæddum rokkurum sem standa sig svona í meðallagi vel. Þau fá kannski einhverstaðar á milli tuttugu og hundrað dollara fyrir hvert lag. Yfirleitt fær Óli Rok borgað meira en Tinna en hann er líka hard meðan ég er easy.

Það er ekkert smá hvað Óli er með mikla náttúrulega hæfileika til að spila á hljóðfæri. Ég er bara alveg gapandi yfir þessu. Og heilluð. Upp úr skónum.

Við erum semsagt búin að hafa það mjög notalegt yfir jólin. Öndin og rauðkálið var gott. Bóndadóttirin stóð fyrir sínu og randalínið er alveg að verða búið. Það eina sem vantaði var jóladagsboð í Stóró og settlers með frændsystkynunum.

Á morgun er jólaklifur með klifurfélögunum úr vinnunni. Síðan bara back to work. This is it. Jólin búin. Rétt korteri eftir að þau byrjuðu.