26.7.07

Óson

Þessi færsla fjallar um það hvernig óson (O3) hefur áhrif á hitnun jarðar. Ósonið sem um er rætt finnst í neðri lögum lofthjúpsins (troposphere), ekki í háloftunum (stratosphere). Þetta óson verndar jörðina ekki gegn útfjólubláum geislum heldur veldur það alls kyns skaða: öndunarerfiðleikum í borgum, eins og í LA, Beijing og Reykjavík auk þess sem það er gróðurhússlofttegund. Óson er einnig skaðlegt fyrir plöntur, það eyðileggur frumur inni í laufinu og minnkar getu þeirra til að taka upp koldíoxíð. Núna í fyrsta sinn voru menn að rannsaka samband aukins ósons og magn koldíoxíðs í andrúmsloftinu. Vísindamennirnir telja að óbeinu áhrifin (aukið óson þýðir að plöntur taka upp minna CO2 sem þýðir að meira verður eftir í andrúmsloftinu sem þýðir að minni varmi sleppi út í geim) séu veigameiri en beinu áhrifin (óson er gróðurhússloftegund sem endurgeislar varma sem er að reyna að sleppa út í geim).

Þessar niðurstöður eru mjög týpískar í hitnun jarðar / veðurfarsbreytingar geiranum. Það kemur yfirleitt í ljós að slæmu áhrifin eru enn verri en talið var í fyrstu.

Góðu fréttirnar eru þær að það er ekki erfitt að eiga við óson. Það lifir ekki í andrúmsloftinu nema kannski í nokkra daga eða vikur, þannig að það eina sem þarf að gera er að leggja bílnum. Labba, hjóla, taka strætó, eða ef menn nenna því ekki, fjárfesta í einhverju litlu tæki sem minnkar útblástur NOx úr bílnum.

Efnisorð:


Comments:
Hallelúja!! Ain't that the truth
 
Aaaamen!
 
Til hamingju með afmælið Tinna mín.

Bestu afmæliskveðjur
Stína fína
 
happy birthday miss Tinna, happy birthday to you...knús og kossar!!!
 
takk stelpur mínar, það er mikil hamingja að vera 29 :)
 
Skrifa ummæli

<< Home

This page is powered by Blogger. Isn't yours?