Húrra!!

Það er alveg ómögulegt að lesa blogg fólks sem býr í Danmörku. Það er bara svo hrikalega huggulegt hjá því. Það er í Tívolí að skoða jólasveina, fá æbleskiver og glögg eða fara yfir til Þýskalands á jólamarkaði. Hérna í Chicago er bara hlussustórt og ósmekklegt jólaskraut. Ég er að reyna að bæta úr þessu, appelsínu-krydd-te og piparkökur eru á boðstólnum hérna á skrifstofunni hans Óla. Óli var að flytja á nýja skrifstofu. Í henni koma allar pípur byggingarinnar saman í einhverskonar partí svo þar er svaka heitt og notalegt. Og með appelsínutei og piparkökum er ljómandi jólastemmning hérna.