Húrra!!

Við hjónin fórum í svaka rússibana í dag þegar sú spurning kom upp hvort við ættum að flýja heim í öryggið og yfirvegunina.   Aðal áhyggjuefni okkar er hvað gerum við ef við bæði leggjumst inn á sjúkrahús, hvað gerum við þá við börnin okkar.  Manni finnst varla að maður geti beðið fólk að taka við smituðum börnum, sérstaklega ekki vinum á ónæmisbælandi lyfjum eða með astma.  Við erum heppin að eiga góða að og eftir að talað við alla sem mér datt í hug var niðurstaðan að við myndum vera hér.

Dagurinn í dag fór meira og minna í þetta.  Við vorum líka duglegar að taka til og svoleiðis, stelpurnar léku sér heilmikið og við spiluðum.   Hitastigið var við frostmark og við lögðum ekkert í það að fara út.  Horfðum á Mary Poppins 2 og borðuðum svaka fína kjötsúpu í kvöldmat.  Við Óli duttum í lukkupottinn og opnuðum Chateauneuf du pape flösku sem okkur hafði áskotnast.

Gail sendi okkur kökur og krem og stelpurnar skreyttu kökurnar sínar.