Húrra!!

Það eru svo mikil forréttindi að fá að vera manneskja á jörðinni árið 2019.  Manneskjan er náttúrulega örugglega það merkilegasta sem hefur gerst í alheiminum frá (síðasta) stóra hvelli.  Það er skemmtilegt að hugsa til þess hvað alheimurinn er merkilegur, ekki síst fyrir að vera til yfir höfuð.  Síðan fáum við að búa við í þessum heimi, eignast börn og upplifanir, fáum að læra um lífið og heiminn.  Þetta er náttúrulega ekkert smá. 

Það kemur fyrir að ég gleymi því hvað það er gaman að vera manneskja en síðan man ég það aftur og þá líður mér betur.  Núna er til dæmis maur að ganga yfir skjáinn hjá mér og ég er mjög ánægð að vera ekki maur.  Það gæti verið að það sé skemmtilegt að vera drottning en örugglega svekkjandi að vera ekki með sjálfsvitund ef maður væri óbreyttur.

Við fjölskyldan njótum þess að vera til þessa dagana.  Um helgina sáum við sirkus sem er frá Chicago og ferðast um borgina á sumrin.  Midnight Circus.  Það var stórkostleg sýning, svaka heillandi og inspírerandi.  Við fórum í blokk-partý og ég volunteeraði í allskonar.  Börnin, sérstaklega Edda, skemmtu sér svaka vel, fengu kandífloss ofaná allt og voru í skýjunum.  Helgina þar á undan fórum við útfyrir bæinn að tína epli og síðan í ultimate ninja og reyndum að hlaupa upp veggi og sveifla okkur í reipum og græjum.   Það er sniðugt við það að vera með börn hvað maður verður duglegri við að gera allskonar.

Ég gleymi yfirleitt að taka mynd í hita leiksins en hérna eru nokkrar sætar.  Allir í stíl á leiðinni í afmæli.  Stelpurnar í nýju peysunum frá Böddu frænku, Sólveig upp í tré og við stelpurnar að hugga okkur yfir því að komast ekki með í 6 flags.