Húrra!!

Þær fóru í bátsferð um vatnið.  Sólveig var með raunhæfar áhyggjur að Edda myndi ekki geta stýrt þeim aftur að landi en Ásta var með engar áhyggjur af neinu og kældi sig með því að dangla annari löppinni í vatnið.  Sem betur fer gat mamman dregið hópinn sinn að landi á paddle brettinu.

Allir eru bara nokkuð ánægðir í skólunum sínum.  Það er boðið upp á allskonar námskeið eftir skóla hjá Eddu og í dag var hún í spuna.  Kom heim og sagði endalausa knock knock brandara.  Á morgun fer hún í verkfræði sem henni finnst líka svaka skemmtilegt.  Í gær var hún í fiðlutíma og á mánudögum fara systurnar í dans.  Frí á föstudögum og síðan eru allir að jafna sig um helgina. Um síðustu helgi fórum við á barna-náttúrugripa safnið og sáum sýningu um Dóru og Diego.  Það var svaka sport.  Við fengum líka vini í brunch og fórum í afmælisveislu svo það var nú alveg stanslaus aksjón.  Ásta stóð sig svaka vel í grjótglímunni og síðan stýri hún geimflaug til tunglsins.