Húrra!!

Segir Ásta eftir 3 daga fríi úr skólanum vegna veikinda.  Hún sagði þetta aftur og aftur þangað til hún komst í skólann og fór strax að spá í vinum sínum, að breiða yfir þau teppi og gera allt sem á að gera þegar mannskapurinn er að fara að lúra.



Það eru aftur komnar 7 gráður hjá okkur en það er bara kærkomið.  Það er ekki laust fyrir að ég kvíði aðeins fyrir sumrinu með 40 gráður plús dag eftir dag.  Úff.  En góðu fréttirnar eru að tönnin datt.  Edda bað mig reyndar að toga hana upp sem gekk svaka vel.  Tannálfurinn kom og gaf dömunni $5.  Núna vantar hana bara sparigrís.