Húrra!!

Jæja.  Þetta var ekkert smá.  Við skiluðum húsbílnum í San Francisco.  Þetta húsbíla líf átti ágætlega við okkur.  Það er svo mikil nálægð sem er notalegt með svona litlum krílum.  Líka notalegt að vera ekki með allskonar græjur.  Þetta er svolítið basic lifnaðarhættir sem maður dettur í.  Ekki mikið verið að baða fólkið eða þvo.  Vorum alveg svolítið rykug af og til en ekki þannig að manni fannst það óþægilegt.  Mikið grillað og pasta með broccoli.





Silla hélt afmælisveislu fyrir stelpurnar í San Francisco með cupcakes og allskonar bleiku við mikinn fögnuð.  Síðan skemmtum við okkur í exploratorium allan eftirmiðdaginn og enduðum í krabba veislu á pier 27 eða 9.  Fórum um allan bæinn í eldgömlum sporvögnum okkur til mikillar ánægju.  Síðan heimsóttum við Sigurdísi og Rósu og litla Harald Mána og hans stórfjölskyldu.  Það var pool partý og garðveisla.  Stelpurnar gátu leikið við litlu Sigurdísi og allir skemmtu sér vel og nutu þess að vera til.


Þá var leiðinni heitið til Seattle.  Þar heimsóttum við Angie og Justin og fórum með þeim upp að Olympic Mountain.  Það var yndislegt að reconnecta við þau og kynnast strákunum þeirra.  Við fórum líka í mat til Deirdre og Josh í nýja húsið þeirra sem er ekkert smá töff.