24.2.17

Skemmtikraftur

Héðan er allt gott að frétta.  Við erum svona að spá í lífið og tilveruna.  Öll börnin eru að eldast.  Edda varð 5 ára fyrir 2 vikum.  Við héldum upp á það með pomp og prakt.  20 börn og 20 foreldrar.  Svaka stuð.  Allir að leika alveg á fullu.  Síðan voru skinkuhorn, skyr, ber og kisukaka.  Mjög þjóðlegt og fínt.  Ég fékk lánuð húsgögn úr leikskólanum svo allir gætu setið.  Núna er ég búin að bjóða í samskonar geim fyrir Sólveigu en hún á afmæli eftir 2 vikur.  Tvem vikum seinna verður litla Ásta árs gömul.  Þá verður aðal veislan.

Hérna erum við að borða cup cakes á afmælisdeginum.  Við gleymdum alveg að taka mynd í veislunni.  Óli setti smá móralskt spurningamerki við að fá barnfóstru á fyrsta stór-afmælisdegi frumburðarins en við höfðum fengið svaka fínt sake gefins og vorum að deyja yfir því að fá að drekka það með japönskum smáréttum.  En stelpurnar elska barnfóstruna sína í botn svo mér fannst þetta borðleggjandi.


Í síðustu viku var sérstaklega skemmtilegt hjá okkur.  Ég fékk akademískan gest, hana Önnu, en hún er að vinna með líkanið mitt í doktorsverkefninu sínu.  Hún kom í viku til að læra af meistaranum.  Fjölskyldulega séð ákváðum við að hún væri akademíska litla systir mín.   Ég var nú aðeins búin að gleyma því en líkanið mitt á sér eftirlíf og er nú (mikilvægur) hlekkur í COMICS verkefninu.  Það er skemmtilegt út af mörgum ástæðum, en mér finnst gaman að vera ekki bara vísindamaður heldur líka comedian.  Hérna er mynd af okkur í Wicker Park að borða big star tacos í hádegismat.



This page is powered by Blogger. Isn't yours?