22.8.16
beibi sorry!
Er það sem Sólveigu finnst skemmtilegast að segja í öllum heiminum, með dillirödd og óborganlegum svip. Ég hugsa að henni hafi fundist svipurinn á móður sinni kostulegur þegar hún sagði þetta fyrst, en málið er að ég kalla Óla stundum beibi og stelpunum finnst nett súrrealískt að mamma skuli kalla pabba "baby".
Við áttum mjög góðan metrópólitan dag á fimmtudaginn. En það er mjög óvanalegt. Eftir lúrinn hennar Sólveigar drifum við okkur út og keyrðum aðeins í næsta hverfi, í Wicker Park. Það er mjög skemmtilegt hverfi. Við fórum beina leið í ísbúð, bestu ísbúðina í usa að mati okkar Sigurdísar. Sólveig fékk súkkulaði ís, Edda vanillu og ég fékk tvær kúlur, kaffi og dökkt súkkulaði - alveg himneskt. Eftir ísinn röltum við í TOMS og keyptum inniskó á línuna. Ásta er með blöðrur á litlu tásunum sem mér fannst vera góð afsökun til að kaupa líka skó á hana þó svo hún augljóslega þurfi ekki skó og gerir reyndar ekki annað en að smokra sér úr þeim til að naga þá þegar ég hef tíma til að klæða hana í þá. Þeir voru bara svo sætir við Edda stóðumst ekki mátið. Stelpurnar fíluðu sig agalega vel að velja skó og þetta er góð búð því það eru bara svona 6-8 týpur í boði. Svo röltum við á Big Star, kipptum með nokkrum tacos og beint út á róló að leika og borða kvöldmat. Þegar við komum heim beið barnapían eftir okkur og svo kom Óli og allir lögðust á eitt við að koma börnunum í rúmið og allir sofnaðir fyrir átta. Þá drifum við hjónakornin okkur út á einn fínasta veitingahús í Chicago, North Pond, og hittum þar Rishi og Nikitu sem eru í óða önn að undirbúa brúðkaupið sitt. Alveg geggjað.
Við áttum mjög góðan metrópólitan dag á fimmtudaginn. En það er mjög óvanalegt. Eftir lúrinn hennar Sólveigar drifum við okkur út og keyrðum aðeins í næsta hverfi, í Wicker Park. Það er mjög skemmtilegt hverfi. Við fórum beina leið í ísbúð, bestu ísbúðina í usa að mati okkar Sigurdísar. Sólveig fékk súkkulaði ís, Edda vanillu og ég fékk tvær kúlur, kaffi og dökkt súkkulaði - alveg himneskt. Eftir ísinn röltum við í TOMS og keyptum inniskó á línuna. Ásta er með blöðrur á litlu tásunum sem mér fannst vera góð afsökun til að kaupa líka skó á hana þó svo hún augljóslega þurfi ekki skó og gerir reyndar ekki annað en að smokra sér úr þeim til að naga þá þegar ég hef tíma til að klæða hana í þá. Þeir voru bara svo sætir við Edda stóðumst ekki mátið. Stelpurnar fíluðu sig agalega vel að velja skó og þetta er góð búð því það eru bara svona 6-8 týpur í boði. Svo röltum við á Big Star, kipptum með nokkrum tacos og beint út á róló að leika og borða kvöldmat. Þegar við komum heim beið barnapían eftir okkur og svo kom Óli og allir lögðust á eitt við að koma börnunum í rúmið og allir sofnaðir fyrir átta. Þá drifum við hjónakornin okkur út á einn fínasta veitingahús í Chicago, North Pond, og hittum þar Rishi og Nikitu sem eru í óða önn að undirbúa brúðkaupið sitt. Alveg geggjað.
