Húrra!!

Við fórum í smá skíðaferð um síðustu helgi.  Skruppum upp til Wisconsin í Alpine Valley.  Ég ætlaði nú bara að vera með Sólveigu á sleða meðan Edda og Óli færu á skíði en það var ekki það sem Sólveig hafði í huga.  Um leið og hún sá skíðin hennar Eddu var það það eina sem komst að hjá henni.  Að komast á skíði.  Barnið er ekki einu sinni orðið tveggja ára.  Það varð úr að við mæðgur þurftum bara að fara inn í sund því sú stutta vildi ekki sjá sleðann meðan Edda renndi sér nokkrar bunur á laugardeginum.  Sunnudagsmorgun þá fengum við Sólveig líka skíði sem við vorum bara nokkuð sáttar við.