Húrra!!

Barnið er djúpt sokkið í af hverju skeiðinu.  Það er sett spurningamerki við allt.  Það eina sem Edda tekur gilt er að jörðin snýst um öxul sinn.  Við Edda, langt fram yfir háttatíma:

Ég, við það að missa þolinmæðina: Leggstu upp í rúm og farðu að sofa!!
Edda: Af hverju?
Ég: Vegna þess að það er nótt
Edda: Af hverju?
Ég: Vegna þess að sólin er farin til Kína
Edda: Af hverju?
Ég: Vegna þess að jörðin snýst um öxul sinn.
Edda: Jaá, mmm.

Sólveig er líka farin að spjalla heilmikið.  Ég sagði við hana: Þú ert nú meiri kálfurinn.  Þá svaraði hún strax "nei, api" Síðan segir hún avocado og appelsína og allskonar annað sem henni dettur í hug.  Það er mjög skemmtilegt.