Húrra!!

Ráðgjafinn segir að þó svo að barnið pissi af og til í buxurnar, þá er vert að einblína ekki á það heldur hugsa um árangurinn sem náðst hefur.  Við vorum með smá setback í dag.  Edda pissaði í engar buxur né á gólfið í tvo sólarhringa en í dag, eftir hádegi, þá fór allt úr skorðum og fernar buxur blautar.  Oh well.

Það var ekki eins slæmt og á laugardaginn.  Þá fórum við í bæjinn þó svo það sé ekki hluti af prógramminu.  Við fórum í húsgagnabúð og ætluðum síðan að fara á einfaldan veitingastað í kvöldmat. Nema hvað, einn af uppáhalds veitingastöðunum okkar í Soho er við hliðiná þessum einfalda og einhvernveginn freistuðumst við til að fara þangað.  Þó svo að klukkan var orðin aðeins of margt og þó svo að við vorum bara á 3. degi í prógramminu og gert ráð fyrir því að maður sé bara heima.  Þetta er voða fínn staður með hvítum dúkum og tilheyrandi.  Við Edda byrjum á því að reyna að pissa.  Ekkert gengur.  Við setjumst og fáum okkur vatnssopa.  Edda pissar í buxurnar.  Inn á bað að skipta um buxur.  Setjumst aftur.  Þjónustustúlkan kemur og við pöntum og á meðan grýtir Edda glasinu í gólfið og það fer í mola.  Edda er alveg að fríka út allan tíman því hún er orðin of svöng og þreytt en undir lokin þá er hún alveg róleg.  Kemur í ljós að henni tókst að skrúfa lokið af salt stautnum og er að leika með allt saltið á borðinu.  Förum enn á klósettið áður en við förum. Ég held á Eddu og meðan ég er að loka tekur hún í hurðina og klemmir sig.  Agalega sárt og hún fer að háorga og pissar á okkur báðar um leið.  Hú ha.  Stundum tekur maður ekki skynsamlegustu ákvarðanirnar.

Í dag var halloween og Edda var fiðrildi og ég var blóm.  Því miður er ekki til nein mynd af mér en reyni að setja inn eina eða tvær af Eddu.