Húrra!!

Við erum að leita að nýrri íbúð í New York.  Fundum eina góða.  Eina vandamálið er að það eru kvikindi því hún er á jarðhæð.  Oj.  Ég er ekki hrifin af þessum New York pöddum, þær eru mjög ljótar.  Það góða er að það er garður, stórt eldhús, stórt svefniherbergi og annað til.  Síðan er hún í hjarta borgarinnar og ljómandi sjarmerandi.

Hlutirnir gerast svo hratt í þessari borg.  Við Óli erum ekki fyrr búin að ræða málin með þessa garð-íbúð en kona hringir í mig sem er að leita að fólki til að taka yfir leigusamninginn sinn.  Og það er ekkert smá hugguleg íbúð.  Enginn garður reyndar en risa eldhús með vél, tvö rúmgóð svefniherbergi, risa stofa og tvö baðherbergi.  Er að fara að skoða hana á eftir þegar Edda vaknar.  Get ekki beðið.  Það líta ekki út fyrir að vera neinar pöddur í þessari íbúð og hurðir á öllum svefniherbergjum sem var ekki á hinni.  Plús við spörum um það bil milljón á að þurfa ekki að borga neinum gæja fyrir að sýna okkur íbúðina.  Jei.  Vonandi er þetta bara ekki of gott til að vera satt.

Silla kom til landsins um helgina og dreif sig strax í sólina í FL.  Við ætlum að kíkja líka og heilsa upp á liðið.  Förum um helgina.  Það verður skemmtilegt.  Erum að pæla í að fara á ströndina í St. Pete.  Svo yndælt að vera í St. Pete.

Best að ég reyni að klára viðaukann.  Þá fer þetta að verða komið.  Loksins.  Vonandi.