Húrra!!

Við Óli og Edda fórum til ræðismanns og kusum í dag.  Það var frábært.  Við kusum bæði svaka vel.    Í morgun hélt ég að ég myndi kjósa vinstri græna eins og venjulega en síðan fékk ég samantekt á nýjustu fréttum og þá hætti ég snarlega við það.  Ég verð að segja að mér finnst ég hafa verið svikin af flokknum mínum og ætla að segja mig úr honum snarlega.

Þannig að ég kaus bara bjarta framtíð.  Hver kýs ekki bjarta framtíð?  Það er erfitt.  Þegar við vorum búin að skrifa stafinn okkar á kjörseðilinn og kveðja dömuna á skrifstofunni fórum við beint á pósthúsið og settum atkvæði okkar í póst.  Vonandi berast þau í tæka tíð.  Vonandi reddast þessar kosningar.