17.6.12
þjóðhátíðar kökur
María hringdi í mig og bauð okkur í fagnað í central í tilefni 17. júní. Pikknikk og allir koma með eitthvað. Við vorum ekkert mikið með það á hreinu hvað við ætluðum að koma með en síðan ákvað ég að baka smákökur í morgun.
Ég byrja að baka. Þeyta saman smjör og sykri. Nokkrum eggjum. Engin egg til. Ég rölti til Kóreubúans að kaupa egg, rúsínur og mjólk. Þeyti eggin við sykurinn og smjörið. Einn bolli af hveiti fer næst í. Ekkert hveiti til. Aftur til Kóreubúans. Set hveitið í. 2 bollar af haframjöli. Aðeins einn til. Þá nennti ég ekki aftur út á horn og setti bara morgunkorn og bygg-klíð í staðin. Loks eru kökurnar til og við förum í pikknikk.
Síðan er ég svona aðeins feimin og meika það ekki alveg að bjóða fullt af fólki sem ég þekki ekki heimabökuðu smákökurnar mínar. Þegar næstum allir eru farnir segir Óli að við séum reyndar með heimabakaðar smákökur og hvort megi ekki bjóða fólki. Jú takk. Það má það. Nokkrir fá sér smáköku. Þar sem menn eru að bíta í smákökurnar segi ég:
Þetta eru svona fullorðins smákökur.
Gúlp. Ha, nei, nei, ekki þannig. Bara minni sykur og meiri trefjar. Þetta var svolítið svona you-had-to-be-there fyndið. Síðan vorum við Óli með humarhala í matinn því í dag er auk þess að vera 17. júní feðradagurinn. Svaka gaman að vera foreldri. Þá bætast við fleiri hátíðisdagar. Fengum líka Willamette vín sem var algjört konfekt. David Hill. Nammi namm.
Ég byrja að baka. Þeyta saman smjör og sykri. Nokkrum eggjum. Engin egg til. Ég rölti til Kóreubúans að kaupa egg, rúsínur og mjólk. Þeyti eggin við sykurinn og smjörið. Einn bolli af hveiti fer næst í. Ekkert hveiti til. Aftur til Kóreubúans. Set hveitið í. 2 bollar af haframjöli. Aðeins einn til. Þá nennti ég ekki aftur út á horn og setti bara morgunkorn og bygg-klíð í staðin. Loks eru kökurnar til og við förum í pikknikk.
Síðan er ég svona aðeins feimin og meika það ekki alveg að bjóða fullt af fólki sem ég þekki ekki heimabökuðu smákökurnar mínar. Þegar næstum allir eru farnir segir Óli að við séum reyndar með heimabakaðar smákökur og hvort megi ekki bjóða fólki. Jú takk. Það má það. Nokkrir fá sér smáköku. Þar sem menn eru að bíta í smákökurnar segi ég:
Þetta eru svona fullorðins smákökur.
Gúlp. Ha, nei, nei, ekki þannig. Bara minni sykur og meiri trefjar. Þetta var svolítið svona you-had-to-be-there fyndið. Síðan vorum við Óli með humarhala í matinn því í dag er auk þess að vera 17. júní feðradagurinn. Svaka gaman að vera foreldri. Þá bætast við fleiri hátíðisdagar. Fengum líka Willamette vín sem var algjört konfekt. David Hill. Nammi namm.
