Húrra!!

Við fjölskyldan erum með alveg max í social þessa dagana.  Við Edda erum búnar að eignast vinkonur.  Sofia og mamma hennar Erica.  Hún spekulerar í veðurfarsbreytingum og maðurinn hennar er stærðfræðingur með áhuga á fjármálum.  Svo við eigum ýmislegt sameiginlegt.  Fribba og Gústi voru hér í NYC og við fórum út að borða með þeim á Indverskan stað sem eldar kínverskan mat eins og Indverjum þykir gott. Það var áhugavert.  Annar Gústi kom líka við og við fórum með honum á indverskan stað sem eldar indverskan mat.  Síðan erum við af og til að chilla með ljósunni okkar.  Það finnst okkur gaman.

Edda stækkar og stækkar.  Hún er á við 6 mánaða gamalt franskt barn en 3 mánaða íslenskt.  Hún lærir eitthvað nýtt á hverjum degi.  Núna er hún búin að uppgötva hendur og notar þær óspart til að kanna umhverfi sitt eins og skeggið á pabba sínum og brjóstið á mömmu sinni.  Hún á líka uppáhaldsdót.  Það er tuskudúkkan kötturinn með höttinn.  Annars fékk hún nýja dúkku sem bæði lýsist upp og spilar lög og hún virðist óðum vera að verða næsta uppáhalds dótið.