Húrra!!

Ég kláraði línu sem var búin að vera á to-do listanum síðan á áramótum. Hoo-ha. En núna finn ég ekki to-do listann til að strika þessa línu út.

David leiðbeinandinn minn á að uppfæra yfirlitsgrein sem hann skrifaði fyrir 8 árum og hann spurði mig hvort ég vildi gera það. Ég vildi það auðvitað en síðan er þetta ljómandi góð grein og hann er með svo gott innsæi að það er eins og hann hafi séð fyrir hvað myndi gerast á þessum átta árum. Svo mér finnst eins og það væri ekki miklu við að bæta. En eftir að ég er búin að spá í þessu í 4 mánuði gat ég loksins skrifað nokkrar síður um ný sjónarmið og nýjar uppgötvanir sem hann hafði ekki séð fyrir og núna ætlar hann ætlar að púsla því inn greinina og ákveða hvað fær að fjúka í staðin.

En það er að koma helgi. Vorið er að koma líka. Þetta er ekki brugg-helgi. Við erum að fara á tónleika í Carnegie Hall. Ég var með svaka fínt matarboð fyrir Rick og Grace í gær. Allt virðist vera í frekar góðum málum.

Við fengum fordrykkinn á svölunum. Heimabruggaður trippel sem var súper vel heppnaður. Frekar frábært. Í forrétt var vatnsmelónu salat. Í öðrum forrétt var fennel og möndlu súpa með ricotta dumplings. Marineraður og glóðsteiktur lax í aðal og súkkulaði terta sem gestirnir komu með í eftirrétt. Alveg ljómandi gott. Ágætt að hafa skrifleg gögn um hvað við vorum með svo ég gefi þeim ekki það sama næst.