Húrra!!

Hvað getur maður sagt þegar maður er að keyra 32 keyrslur í einu. Og bara að nota svona 1/4 af reiknigetunni sem maður hefur til umráða. Eða 1/8. Þessi tölva er svo stór heilinn minn getur ekki skilið það. Eins og fjárlögin. Hvernig á maður að geta áttað sig á fjárhæðunum sem fara í menntamál. Það er ómögulegt. Tugir og hundruðir milljarðar. Það er ekki hægt að skilja þetta. Ég setti 32 keyrslur í gang í viðbót. Það tók 3 mínútur. 64 keyrslur. Þetta er svo geðveikt. Og þessi tölva er svo dugleg að vinna. Reiknar milljón hluti á örskot.

Ástæðan fyrir því að ég hef aðgang að þessari tölvu er einstakt örlæti samstarfsmanns míns. Hann lánar mér skrifstofuna sína. Sem er með heils-veggs útsýni út í skóg. Brjálaður lúxus þegar maður býr að öllu jöfnu í sements-skógi. Og er ekki með skrifstofu. Hann lánar mér tölvuna sína. Alla 256 örgjörvana.

Ég er að spá í að fara að spá í norður íshafi. Það er risastórt verkefni í gangi að reyna að skilja hvað er að gerast þar varðandi ferskvatn. Selta sjávar er mikilvæg og hefur áhrif á allskonar, þar á meðal veðurfar. Seltan, ásamt hitastiginu, ákvarðar eðlismassa sjávar. Hvernig eðlismassinn breytist með dýpi hefur áhrif á hversu mikið blandast á yfirborðinu niður á nokkra hundruð metra dýpi, sem hefur áhrif á hversu mikið af næringarefnum blandast upp á yfirborðið og þar með hversu mikið svif þrífst. Þetta eru mjög mikilvægar pælingar.