Húrra!!

Er titill á bók sem tengdaforeldrar mínir gáfu okkur Óla fyrir nokkru. 135 uppskriftir að hamingjunni á franska vísu. Ég hugsa að við þurfum að fara að æfa okkur fyrir Frakklandsferðina og elda nokkrar uppskriftir upp úr þessari bók. Við erum að fara að heimsækja Sunnu. Mamma kemur líka og hugmyndin er að fara í smá ferð um Búrgundarhérað og Mercurey og svona. Athuga hvað er að gerast á þessum víngörðum sem við erum svo heppin að fá stundum smá kynni af. Skoða þetta terroir.

Búrgundarhérað er í austur Frakklandi. Fyrsta uppskriftin er kúrbítssúpa með beikoni. Annar hver réttur frá þessu héraði virðist vera með beikoni. Það er svosem skiljanlegt þar sem beikon er með því betra sem maður getur fengið. Ég ætla að byrja á því að gera flammekuche. Brennd kaka. Það er basically pizza með beikoni, lauk og rjóma í álegg. Hljómar frekar vel. Rjómi í staðin fyrir tómatsósu. Þeir kunna á þetta Frakkarnir.