Húrra!!

Ef maður er orðin þrítug en þarf samt að eyða laugardögum á bókasafninu er einsgott að reyna að finna sér besta sætið í höllinni. Í Chicago fellur harmur englanna hægt og rólega á jörðina svo birtir til og mannfólkið gleðst yfir því hve heimurinn getur verið fallegur. Ég fór á hlaupabrautina í gær og hljóp sem mest ég mátti, fór síðan í gufu og í dag líður mér svo vel. Alveg yndislegt að líða svona vel. Kannski er það hlaupið, kannski er það útsýnið. Kannski er ég bara svona létt í lund að eðlisfari. En núna er ég að setja Þóríum (Th) inní líkanið og það er nú spennandi. Hringurinn er að lokast.