Húrra!!

Jæja. Ég hugsa að ég sé hætt að lesa eyjuna. Margar ástæður koma til. Í fyrsta lagi get ég ekki lengur þolað það að Egill hvaðhannnúheitir noti áhrif sín til að koma á framfæri fásinna skoðunum sínum um veðurfarsbreytingar. Í öðru lagi meika ég ekki lengur að eiga það á hættu að sjá myndir af Jóni Ásgeiri með morgunkaffinu.

Ætli þetta séu ekki aðalástæðurnar. Ég veit ekki hvaða fréttamiðil ég mun nota. Kannski rúv. Mbl er álíka slæmt og dv. Einhvern tíman skoðaði ég vísi, kannski það sé málið?

Annars er ég að lesa svaka skemmtilega grein þessa dagana úr tímariti stjarneðlisfræðinnar. Er komin á blaðsíðu 7 og ég veit ekki hvað ég kemst mikið lengra. Þeir eru ansi klárir þessir stjarneðlisfræðingar og skrifa allskonar flókið. Það óraði ekki að mér fyrir ári síðan að mínar rannsóknir tengdust stjarneðlisfræði. Kemur í ljós að geimurinn og sjórinn eru bæði þunnar súpur af ögnum.