Húrra!!

Ég varð að koma henni ofan í kjallara. Það er ekki hægt að hafa verksummerki svona fyrir allra augu í marga daga. Hægri hendina setti ég inní brjóstholið og hélt um rifin meðan vinstri hendin tók um mænuna rétt ofan við mjaðmagrindina. Lappirnar drógust eftir gólfinu og ég var hrædd um að tásurnar myndu losna svo ég tók á öllu mínu og reyndi að halda henni ofar en þá skall hauskúpan í loftið. Eftir öll þessi ár voru sinarnar allar á sínum stað og ekkert bein losnaði meðan á þessu brölti stóð. Ótrúlegt. Á endanum kom ég henni niður í kjallara og lét hana leggjast endilanga á borð. Þar getur hún hvílt í friði fram á næstu hrekkjavöku. Grey Susan.