Húrra!!

Hámark svekkelsis þegar, að maður heldur, dýrindis kaffi er keypt dýrum dómum er ekki gott. Ég keypti nýtínt (!) kaffi frá Kenýa sem var ný-létt-ristað. Hljómar allt voða vel en bragðið er ekki eftir því. Bragðið er eins og ég ímynda mér að kaffið var á stríðstímum þegar það var drýgt með chicory. Það er eitthvað aukabragð.

Hvað er til bragðs að taka þegar kaffið er ómögulegt? Mér líður svo berskjaldaðri. Ófullnægjandi kaffi ræðst inn í minn einkaheim. Heim þar sem koffínið dedúar að öllu jöfnu við taugaendana í höfðinu mínu og lætur mér líða vel. Mér líður eins og menn í einkennisbúningum, gæti verið að það standi TSA á kraganum, hafi arkað inn í einkaheim minn: "Í samræmi við nýjustu reglugerðir verður ekki lengur átt við taugaenda heldur bragðlauka" segja þeir en kunna náttúrulega ekki á bragðlauka. Asnar.