Húrra!!

Alls grunlaus um hvað ég átti í vændum keypti ég mér brauð í bakaríinu í næstu götu til að borða í hádegismat. Oft kaupi ég brauð í þessu bakaríi því þetta er fyrsta flokks franskt bakarí og bara hérna handan við hornið.

Ég borgaði fyrir brauðið, brosti og var almennileg eins og mér er von og vísa. Því kom mér það í opna skjöldu er ég bragðaði á brauðinu og fann að það var brim salt. Svo salt að ég átti í vandræðum með að kyngja því. Ég held að bakarinn hljóti að hafa verið að horfa eitthvað á afgreiðslupíurnar þegar hann var að mæla eina teskeið af salti. Ha!

Já, þetta var það áhugaverðasta sem gerðist hjá mér í dag. Ég hugsa að það rætist þó úr daginum því við Óli erum að fara á show í kvöld eftir dosa og thali á suður-indverskum stað sem ég er búin að finna fyrir okkur. Gaman gaman.

En ég fór aftur með brauðið og sagði farir mínar ekki sléttar. Í staðin fékk ég annað brauð, helmingi stærra sem var ljómandi ljómandi gott og passlega salt.