Húrra!!

Núna eru bakteríur komnar inn í líkanið mitt. Bakteríur eru mjög mikilvægur hluti af lífi á jörðunni, sem og öðrum plánetum. Þær eru fólki til dæmis lífsnauðsinlegar og mögulega eru þær líka mikilvægur hlekkur í ögnum sem sökkva í sjónum. Ég er núna að reyna að átta mig á því.

Annars er bara allt í góðu standi í Chicago. Ég skrifaði nokkur jólakort um helgina, borðaði hafrakex og hafði það almennt mjög notalegt. Hér er búið að vera hrikalega kalt en í dag er hlýrra og rigning. Kuldanum blés til New York. Til Óla míns.

Árlegt jólaboð er í deildinni á morgun. Ég ætla að skreyta piparkökuhús. Maður getur keypt útmældar og skornar plötur í Trader Joes sem er það sem ég ætla að gera í kvöld. Ég kom einu sinni með piparkökuhús og það vakti heilmikla lukku. Sérstaklega þegar ég stútaði því að hætti fjölskyldunnar í Ofanleitinu með viskí flösku, þar sem engan kjöthamar var að finna í bítibúrinu. Fólk átti ekki von á svo afdrifaríkum endalokum sæta Hans og Grétu hússins.