Húrra!!

Það er svo yndislegt að vera hérna í New York hjá Óla. Ég þreytist nú ekki á því að segja það. Sumarbústaða stemmning í heimsborginni. Við erum nefnilega með allt gas. Gas ofn til að hita (mjög þarft), gaseldavél til að elda á, einnig mjög þarft og gas ofn til að baka í. Ég fór í Ítölsku búðina í dag. Stóð í klukkutíma, grínlaust, í röð. En það er þess virði. Fékk að smakka alla ostana sem sá sem stóð við hliðina á mér keypti og náttúrulega þá sem ég keypti. Prosciutto og porcini í sveppa rísottóið. Oh, það er allt svo gott hérna.