Húrra!!

Veðurfar og breytur tengdar veðurfari (eins og sjávarmál og hafís á norðurheimskauti) undanfarin ár má sjá hér: ClimateTimeMachine. Flott hjá NASA að setja þetta svona aðgengilegt fyrir mann. Núna er aðalspenningurinn hjá veðurfarsfræðingum að veðja á hafísinn fyrir árið 2008. Sumir vilja meina að 2007 sé frávik, aðrir halda að núna verði enn minni hafís. Menn eru nokkuð æstir og leggja heilmikinn pening undir. Ég hugsa að ég væri til í að veðja þúsund dollurum á að lágmarks hafíslínan fyrir 2008 verði nær 2007 en 2006. Þetta er samt ekki tilboð. Það gæti leitt til þess að ég fengi ekkert að borða í mánuð.

Annars er bara góður fílingur á skrifstofunni. Fínt að vera inni á skrifstofunni þegar úti er sól og blíða. Já, það er eiginlega of heitt til að vera úti. Allt of gott veður til að vera úti. Hver vill vera úti þegar maður getur verið inni? Ha, í góðu veðri. Best ég fari að fara út. Þetta gengur ekki.