Húrra!!

Ekki grunaði mig það í jólaundirbúningnum forðum daga að ég myndi einhverntíman föndra alvöru músastiga. Stiga fyrir mús. En, never say never, eins og músin sagði sem vildi komast til America (There are no cats in America!!! - Sáuð þið ekki þessa mynd?). Núna er bara að vona að hún sé hrifin af smjöri og höfrum. En mér skilst að hún sé það.

Við Óli lifum þessa dagana að megninu til á arfa. Ég var að komast að því að ein ákveðin planta sem telst illgresi hér í am er í raun með ómega-3-ríkustu plöntum. Hún heitir purslane og telst herramans matur allstaðar annarstaðar í heiminum, eins og til dæmis víða í Afríku, Asíu, Ástralíu og Evrópu. Það væri gaman að vita hvort þessi planta (Portulaca oleracea) vex á Íslandi. En ástæðan fyrir því að við borðum hana nú í hvert mál er að hún vex alveg stjórnlaust í garðinum okkar Söru. Við erum bara sáttar við það og ég er sérstaklega sátt yfir að geta borðað arfa því það gerði tengdaamma mín sú er ég aldrei hitti en var, að mér skilst, með hraustustu konum.