Húrra!!

Já, þessi helgi hefur verið einstaklega hugguleg. Hvað er betra en bæjarrölt og evrópsk kaffihús. Klifur og nýbruggaður bjór. Smá vinna og hádegismatur í bakaríinu. Kaffi, brugg, bakarí. Jamm, þetta eru hátindar menningar okkar að mínu mati. Ásamt náttúrulega fleiru.

Þessa dagana er ég að gera upp koll. Mig langar til að smíða húsgögn og þess vegna ákvað ég að byrja á því að gera upp koll. Einfalt verkefni. Kollinn hirti ég úr ruslahaug í deildinni minni ásamt borði og hillu. Núna er ég að pússa hann með sandpappír. Síðan er hugmyndin að mála hann með mjólk-málningu. Mjólk málning er mjög gamaldags málning. Hún er búin til úr mjólk, kalki og litarefnum. Mjög einfalt og engin vafasöm efni með í för. Ég er svaka spennt fyrir þessari málningu.