15.5.07

Mánudagsfiskur

Hann Óli minn er orðinn algjör íþrótaálfur. Í gær hjólaði hann alla leið niður í miðbæ til að sækja fisk í soðið. Ég gleymdi nú sennilega alveg að minnast á það en um þar síðustu helgi áskotnaðist okkur hátt í 10 kíló af fiskibeinum, hausum og sporðum og úr því urðu lítrar af fiskisoði. Við getum því nú "poachað" fisk en í gær kom Óli heim með lúðustykki sem við lögðum ofaná smá lag af léttsteiktu grænmeti og helltum yfir sjóðandi fiskisoði rétt til að þekja fiskinn. Þetta er sem sagt að poach-a.

Það er ekki annað hægt en að mæla með þessari eldunaraðferð. Grænmetið drekkur í sig soðið og verður einstaklega bragðgott. Fiskurinn missir engin efni útí vatnið og verður ekki þurr eins og er hættan við að baka, eða grilla.

Annars fórum við til Kentucky um helgina. Í Red River Gorge. Það var yndislegt. Við gistum á gistiheimili í fyrsta sinn. Áður höfum við gist í tjaldi sem er, eins og Raggi man sennilega vel, ekki sérlega þægilegt. Froskar kvaka alla nóttina og unglingar eitthvað frameftir einnig. Síðan þarf maður að elda sinn eigin morgunmat, sem er ekki slæmt en tekur svolítinn tíma. Á gistiheimilinu eru engir froskar og maður vaknar við beikonilm sem svífur um skálann. Alveg súper. Við gátum klifrað alveg fullt, skemmst frá því að segja að ég leiddi 5.10a. Fyrir þá sem ekki vita er það svaka flott. Og hrikalega gaman.

This page is powered by Blogger. Isn't yours?