Húrra!!

Líkanið er komið inn á tölvu hérna á efri hæðinni og ég er farin að geta leikið mér að því. Ég hafði nú ekki alveg áttað mig á því hversu stór þetta dæmi er, en ekki kannski svo undarlegt þegar það er tekið inn í reikninginn hversu lengi og hversu margir menn eru búnir að vinna við gerð þess.

Þetta er líkan af meðal stærðargráðu (intermediate complexity). Árið 1969 bjó skrifaði maður nokkur lítið líkan sem aðrir hafa síðan verið að bæta við smám saman og skeyta saman við önnur líkön. Til dæmis ef einn maður skrifa líkan af sjóstraumum og annar af þörungum sem ljóstillífa í sjónum og sá þriðji um agnir sem sökkva í sjónum. Þá væri sniðugt að skeyta þessum líkönum öllum saman svo hægt væri að fá heilsteyptari mynd af því sem er að gerast í sjónum. Síðan gæti verið að einhver hafi áhuga á að vita hvernig rækjur hafa áhrif á allt kerfið og þá myndi hann bæta þeim inní. Rækjurnar borða þörunginn en ferðast með hafstraumum og ef menn gera þetta vel og eru búnir að spá heilmikið í hegðun rækja, þá kannski tekst þeim að líkja eftir fjölda rækju á hverjum stað. Þetta er svona saga fyrir 7 ára um líkana gerð. Allavegana skiljum við núna mikilvægi þess að nota fortran í jarðeðlisfræði. Það er bara svo mikið vesen að byrja á nýju líkani frá grunni.

En núna er ég að láta líkanið keyra í 1000 ár til að skoða hvernig það virkar og hvernig það heldur að sökkvandi agnir muni breytast á þessum tíma, meðan koldíoxíð eykst í andrúmsloftinu. Síðan ætla ég að setja inn aðeins öðruvísi spekulasjónir með á hvaða hraða agnirnar sökkva og sjá hvaða áhrif það hefur. Svaka spennó. Það góða er að það tekur um það bil klukkutíma fyrir líkanið að reikna hvað gerist á þremur árum sem þýðir að þetta verður til eftir TVÆR VIKUR!! Jæja, þá verð ég í kanó. Hmm, eða kannski komin aftur. Best ég fari heim og setist út á svalir.