Húrra!!

Það erum við.

Við vorum rétt vöknuð þegar við drifum okkur af stað í hjólreiðatúr. Hjóluðum alla leið norður í hjólabúðina á Wells. Hún er um það bil á 14 stræti svo það gerir 57+14=71 blokkir sem við hjóluðum, plús spottann í vestur. Þetta er geðveikt langt og tók okkur líka frekar langan tíma, rúman klukkutíma held ég. Í hjólabúðinni keyptum við bögglabera og spes poka til að festa á þá. Svo mikið var að gera að ekki sáu mennirnir sér fært að festa bögglaberana á hjólin okkar svo við keyptum líka tool-kit og settumst fyrir utan við að skrúfa þá á. Það var frekar mikið vesen en tókst á endanum og við svaka ánægð með okkur.

Síðan hjóluðum við í Whole foods og hittum þar Chae Young og Khun Ho, auðvitað með litla krílið Won Jae. Svaka mikið surprise að hitta þau. Það gerist ekki oft að maður hitti einhvern á förnum vegi hérna í Chicago, sérstaklega ekki þegar maður hættir sér úr litla hverfinu Hyde Park. Þau voru hress og við fórum öll saman í Trader. Alltaf svo gaman í Trader. Við keyptum passlega mikið í nýju töskurnar, spenntum þær á hjólið hans Óla og héldum af stað heim á leið.

Átta tímum eftir að við lögðum af stað vorum við komin heim. Alveg uppgefin. En hrikalega sæl og ánægð með lífið og tilveruna.