Húrra!!

Já, þetta góða öskur átti ég í gær þegar Angie spurði mig hvort ég vildi vera hennar maid of honor. Jei! Ég verð brúðarmær, það er nú hverrar stúlku næst-efsti draumur. Óli fær ekki að vera brúðarsveinn en hann er búinn að komast yfir það. Þetta brúðkaup verður svo skemmtilegt. Mamma hennar Angie er búin að bóka nokkur hótelherbergi svo krakkarnir geta verið með partí og engu gömlu fólki er boðið nema foreldrum og ömmum og öfum. Jibbí.

Núna er ég að gera heimadæmi sem eru svo flókin að það rýkur úr eyrunum á mér. Meira segja tölvunni finnst þetta erfitt, og tölvur eru svaka klárar, það sýður næstum á henni. Best að ég haldi áfram.