Húrra!!

Óstöðvandi erum við að kanna ýmsa króka og kima Chicago. Sunna fékk loksins að sjá hvernig down-town er og hvernig búðir eru þar. Hissa urðum við við að sjá að hér er núna heims-hátíð jazz-ballets. Við fórum í gær að horfa á dans-stjörnur og það var alveg ótrúlegt, hvað fólk er flinkt og getur búið til áhrifamikla og skemmtilega dansa. Við féllum í stafi.

Í dag heilsuðum við upp á bændur og keyptum af þeim nýtínda ávexti og grænmeti. Ég sýndi mæðgunum líka besta vin minn hann trader Joes, I love him. Hann gerir svo gott múslí og soja mjólk og brauð og ost. Við gátum líka keypt gler í bodum könnuna og átt eðlilega morgna hér eftir, það var mikill léttir. Síðan kíktum við á ströndina. Ég veit ekki hvernig ég get sagt þetta án þess að það komi illa út en hún er hér í 10 mínútna göngufjarlægð. Og. Við Óli. Við höfðum bara ekki áttað okkur á því að það er strönd hérna fyrir utan dyrnar hjá okkur. Við löbbum sko alltaf í hina áttina. Í skólann sko. En þetta er svona alvöru Majorka strönd, bikinískvísur, sólhlífar og strand-boltar, vatnsmelónur, allt tilheyrandi, að ógleymdum steikjandi hita og sól. Þannig að það var sniðugt fyrir okkur að fatta það. Sunna var líka ánægð með það.

Á morgun er fyrirhugað að fara að klifra. Mamma var nú ekki spennt fyrir því. Hún ætlar að vera heima og njóta Hyde Park. Það verður ekki verra. HP er very nice. Það er voða ljúft að hafa mömmu sína og systur í heimsókn.