Húrra!!

Jamm, það eru að koma próf. Ég nenni alls ekki að rifja upp fyrir þau. Það er jú komið sumar.

Ég hef svosem ekki yfir neinu að kvarta. Í gær fórum við með gesta-fyrirlesarann á svaka fínan sushi veitingastað. Allir prófessorarnir voru eitthvað voða mikið uppteknir svo við nemendurnir skipulögðum bara kvöldverð án þeirra. Við vorum spenntust yfir því að nýta það út í ystu æsar að vera með engar hömlur á fjárútlátunum. Japanir eru nú snillingar þegar kemur að matargerð. Ég held ég muni aldrei gleyma þessari máltíð. Það besta var ígulkerið. Uni. Maður skynjar fjöruna, sjávarþorpið, lífriki sjávar og allt hafið í þessum bita. Alveg ótrúleg upplifun.

Í dag fórum við Sarah saman á bónda markaðinn og keyptum lífrænt ræktað grænmeti, ég keypti líka hveitiklíð og einhverskonar fræ. Get ekki beðið eftir því að vera búin í þessum prófum. Þá hefst sko tilraunastarfsemi fyrir alvöru. Ég er líka með heilmargar hugmyndir sem ég ætla að reyna að framkvæma í sumar. Ein þeirra er spil. Um daginn sló eldingu niður í mér og ég fékk þrusu hugmynd að spili. Í sumar er hugmyndin að reyna að búa það til og sjá hvort það virki. Óli er tuner-inn. Síðan vantar mig bara útgefanda. Er einhver sem les þetta blogg hugsanlega spilaútgefandi?