Húrra!!

Það er klikkað heitt í Chicago. Hitabylgja og þurrkir. Dísús.

Ég fór á skrifstofuna hans Óla að sækja eina bók. Það eru fjórir EINS lyklar á lyklakippunni hans og aðeins einn þeirra gengur að skrifstofunni. Nema það eru tvær skrár og erfitt að átta sig á því hvora á að nota.. plús þá er þetta eldgamalt drasl og maður þarf að toga í hurðina eða eitthvað. Allavegana, ég hamaðist á hurðinni, prófaði alla lyklana tvisvar, blótandi og bölvandi. Að lokum komst ég inn og heyrði eitthvað skrjáfur inni í tölvuherbergi. Svo ég labbaði þangað inn og nema hvað, þá er þar náttúrulega aumingja Min-Sun, sem er pínulítil og sæt kóreönsk stelpa, skjálfandi á beinunum að tala við mömmu sína í símann. Fyrir svona ári var hún ein á skrifstofunni þegar brotist var inn, rúðan í hurðinni brotin og drukkinn maður ráfaði eitthvað um. Grei stelpan sat undir borði í klukkutíma eftir að hann var farinn að bíða eftir lögreglunni sem hún hafði hringt í en fann ekki hvar skrifstofan var. Hún var svaka fegin að sjá mig. Ég dauðskammaðist mín fyrir að hafa ekki kallað hó hó, þetta er bara ég!

Núna verð ég að fara að pakka. Best að finna til vetrarfötin. Mér skilst að það sé ískalt þarna fyrir sunnan.