Húrra!!

Beibi! Mér finnst ég svo kúl. Ég sá um daginn hljómsveit að spila á MTV. Hún var að spila úti á svona unglinga-thingi og spilaði bara svaka skemmtileg lög. Minnti svolítið á Franz en samt náttúrulega öðruvísi og guttarnir voru voða sætir... Og svo núna þá er ég alltaf að heyra eitt af lögunum í útvarpinu. Ekkert smá gaman. Ég man núna ekki hvað hljómsveitin heitir en lagið er svona ... ah, nú er lagið búið og ég man ekki hvernig það var.

En annað sem er líka kúl og er að gerast hérna á skrifstofunni minni um þessar mundir er að ég er að nota fullt af hlutum sem ég nota ekki svaka mikið en er að reyna að tileinka mér. Það fyrsta er vi. Ég veit svosem ekki alveg af hverju ég er að standa í því að vesenast með að læra á það en það er bara ekki svo erfitt að það er eiginlega bara gaman. Það næsta er LaTeX. Ég hef nú líka notað það svolítið en verið hálf treg við það. Það er bara alltaf frústererandi að einhverju leyti. Núna td. er ég með töflu sem vill ekki vera þar sem hún á að vera. Hún skýst bara alltaf efst á síðuna. Samt stendur í bókinni að hún verði þar sem maður vill að hún sé. Ég fatta þetta ekki. En það er bara svo fallegt og notalegt fyrir augun það sem LaTeX gerir. Maður alveg kiknar í hnjáliðunum.