Húrra!!

Já já, skólinn er aldeilis kominn í gang eftir langt og gott jólafrí. Maður heldur nú ekki að kaninn slái slöku við, því er öðru nær. Ég er í efnafræði kúrs sem heitir ENVIRONMENTAL CHEMISTRY. Mjög spennandi kúrs með verklegum æfingum. Fyrsta var í gær, mæla blýmagn í málningu og mold. Niðurstöður koma í næstu viku. Blý í dóti eins og málningu og bensíni var ekki bannað í BNA fyrr en árið 1978 en það í Evrópu var það bannað 1949. Það er því ennþá hætta á því að í gömlum húsum sé blý í málningu.

Annars er það helst að frétta af okkur Óla að við erum komin með sjónvarp og 80 stöðvar, tívó og DVD. Teppið frá Ólöfu kemur nú að mjög góðum notum þar sem við höfum bókstaflega legið fyrir framan kassann síðan allt kom í gang. Við erum að horfa á Star Wars myndirnar því við erum að fara á Star Wars leikrit bráðum. Einnig erum við að horfa á Seinfeld, Frasier, Simpson, ER, sex and the city og ég veit ekki hvað og hvað. Tívóið er súperflott tæki. Ef maður er að horfa á live-TV og elda á sama tíma, allt í einu fer að sjóða upp úr, þá pásar maður bara sjónvarpið, og heldur síðan áfram að horfa þegar maður er búinn að redda soppunni. Alveg hreint magnað. Síðan segir maður við það: "Ég er hrifin af friends og náttúrulífsþáttum." Þá tekur tívóið upp alla friends þætti og alla náttúrulífsþætti sem það finnur. Ótrúlegt.