Húrra!!

Þá er upprunninn þessi dagur sem allt hefur verið á öðrum endanum yfir undanfarna mánuði hérna megin við hafið. Kosningadagur er alltaf fyrsti þriðjudagur á eftir fyrsta mánudegi í nóvember. Það stendur í stjórnarskránni skilst mér. Það er alveg ótrúlegt hve erfitt það er annars að kjósa í þessu landi. Maður þarf að tilkynna það að maður ætli að kjósa með margra vikna fyrirvara. Síðan þarf maður að kjósa. Ætti ekki að vera svo erfitt en fyrir einn félaga minn þá þurfti hann að vakna um klukkan fimm, keyra lengst upp í suburbs og byrja að standa í biðröð klukkan sex, kjósa síðan loks og keyra aftur inn í borgina til að geta mætt í tíma klukkan níu, frekar úfinn og rauðeygður. Þannig að það er kannski skiljanlegt að fólk nennir ekki að standa í þessu veseni.

En ég held samt að þáttaka verði betri núna en síðast. Ég bara trúi ekki öðru. Eftir Moore og allar þessar myndir. En úrslit eru komin úr einu héraði, einhverstaðar á nýfundalandi eða einhverstaðar. 16 atkvæði fyrir Bush, 14 fyrir Kerry og eitt ógilt. Maðurinn minn myndi segja að það sé ekki hægt að túlka þessar niðurstöður mjög mikið. Ég bara vona það.