Húrra!!

Ég gleymdi nú alveg að skrifa um tónleikana sem við fórum á á þriðjudaginn. Hópur sem kallar sig contempo samanstendur af um 10 hljómfæraleikurum og spilar nútímatónlist hélt þessa tónleika. Það var náttúrulega ekki að spyrja að þvi en Íslendingur var þar á meðal og kallar hann sig Sibbi. Hann spilar á fiðlu og er Bernharðsson. Ég tengdi hann náttúrulega strax við undrabarnið sem var með mér i bekk í grunnskóla og spilaði á fiðlu og túbu og bara hvað sem var. Hann heitir einmitt Stefán og er Bernharðsson. Hversu margir S... Bernharðssynir sem spila afburðavel á fiðlu eru eiginlega til á Íslandi?

Við Óli sátum á fremsta bekk fyrir miðju sem er kannski 3 metrum frá sviðinu og Sibbi er með svona músagrátt hár alveg eins og í gamladaga en við höfum ekki sést í 15 ár, og fólk breytist nú á minni tíma. Svo ég er svona aðeins að brosa til hans og hugsa, "ji þetta er nú fáránlegasta tilviljun ever vá!" Og hann náttúrulega brosti til baka. Við bæði alveg hrikalega hissa á þessum ótrúlega atburði.

Jæja. Kemur í ljós að þetta er náttúrulega ekki sami maðurinn. Sibbi Bernharðsson fiðluleikari og Stefán Jón Bernharðsson fiðluleikari ekki sami maðurinn. Þar sem Stefán jón spilar víst á horn og býr í noregi þar sem hann var með tóneika á fimmtudaginn. Gott að það sé á hreinu og að ég fór ekki baksviðs til að endurheimta kynni við bekkjarbróður minn. Úff.