Húrra!!

Í gærkvöldi vorum við svo uppgefin að við ákváðum að við skyldum bara hætta við misheppnaða tilraun til að fara að læra og leigðum vídeo. Við erum búin að ætla að sjá "týnd í þýðingunni" í smá tíma en hún hefur ekki verið inni. Hún var til núna og við byrjuðum að horfa svaka spennt. Og síðan erum við að horfa, svaka spennt, svaka spennt eftir að skemmtilegi hlutinn byrji. En síðan var hún bara búin.

Hvað meinar fólk eiginlega með því að þetta sé alveg súper mynd. Þessi mynd fjallar um fólk sem er frekar óhamingjusamt í hjónabandinu, því dauðleiðist og það getur ekki sofið. Þessi mynd hefði átt að vera finnsk. Þá hefði maður allavegana verið undir þetta búinn.

Hún má nú alveg eiga það að hún er raunsæ. Fyrir utan lokaatriðið. Það er nú alveg súper-amerísk klisja að þau skyldu þurfa að eiga þennan lokakoss. Er málið kannski að bandaríkjamenn eru fyrst núna að uppgötva raunsæið. Það er bara ekki svo skemmtilegt. Hver nennir spes að eyða tímanum sínum í eitthvað sem maður sér eða upplifir á hverjum einasta degi. Ég var allavegana frekar ósátt við þessa mynd. Kannski var ég bara með óraunsæar væntingar.

En hún var líka fyndin á köflum og okkur fannst fyndið þegar þau fóru í kareoke herbergið. Því við fórum með hóp af krökkum fyrir jól í svona herbergi. Okkur til gamans.