Húrra!!

Nú geta ALLIR skrifað athugasemdir að vild því þeir hjá enetation.co.uk eru með alveg idjót-proof leið til að hjálpa viðvaningum til að setja upp kommet kerfi.

Annars er það að frétta að við sitjum hérna tvær stelpur með áhuga á jarðvísindum á skrifstofunni okkar klukkan hálf ellefu á föstudagskvöldi. Sorglegt eða hvað. En fyrst að blogg síðan er komin á legg þá held ég að ég fari að koma mér heim á leið. Það verður reyndar ekki fyrr en um eftir 20 mínútur því ég hætti mér ekki til að ganga í þessu skuggahverfi og verð að bíða eftir skólabílnum.

En það er allt í lagi því ég get sagt ykkur frá ferðaplönum okkar hjónum. Eftir tvær vikur er nefnilega spring break og þá erum við að hugsa um að kíkja til Kaliforníu. Taka hana Árdísi á orðið og heimsækja hana. En hún býr í útjaðri LA. Síðan verður stefnan tekin útí sveit til Red Rocks að sjá hvort við getum eitthvað klifrað upp kletta þar. Eitthvað þurfum við líka að athuga hvað við getum tapað miklum peningum í rugl svo við ætlum að kíkja til Las Vegas. Ég er svo spennt að ég sit varla kjur þessa dagana.

Þegar við komum til baka heldur fjörið áfram því þá kemur Gummi í heimsókn og síðan Valur og Björg. Jei, gaman að fá gesti. Þau ætlum við sko aldeilis að dekra við og fara með um allt að skoða Chicago og borða gott sushi. Fara á gamanleikrit og íþróttaleiki, upp í háhýsi að drekka kokteila og utaná háhýsi að klifra og og og bara alveg fullt, í tískuverslanir að skoða OG kaupa skó...

Best að missa ekki af skólabílnum núna, hafið það svaka gott,
ykkar Tinna